旺旺烤活魚 (已結業)

天氣一凍就想食熱辣辣嘅嘢，今晚食依個烤魚新年優惠套餐真係啱晒。$488，話就話兩人份量，但多到食唔晒😃。依個套餐除咗烤魚，仲有涼伴青瓜木耳、手切安格斯肥牛、精選海鮮拼盤、田園鮮蔬拼盤。烤鉗魚要咗青花椒麻辣，小辣，已經好惹味。魚唔算多骨，魚肉滑魚皮香口，食得好滋味。入面仲有配菜，吸哂啲味勁正。海鮮拼盤有鮮蝦、廣島生蠔、珊瑚蚌、日本帶子，深海龍躉件，全部都好新鮮。珊瑚蚌爽口、龍躉啖啖肉、帶子肥厚。田園鮮蔬有菜仲有蘿蔔、粟米、薯仔。好吸味，又飽肚。涼伴青瓜木耳，等烤魚嘅時候已經好快食清光。座位闊，坐得舒服。早啲來少啲人仲正。