Bali Bowl @Freshlane 城市中心

營業中

休息中

北角附近好多茶餐廳，麵鋪，但印尼菜就比較少見，今次試下係freshlane既印尼菜。可以上網落單，又可以去到係樓下部機到點菜。今次總共試左三樣野：參巴醬香脆雞肉拌飯，外賣拎到返去都仲好脆，熱辣辣。上面個汁有洋蔥，辣椒，底下有生菜。少少酸甜少少辣，好開胃，仲有隻太陽蛋同青瓜雞肉印尼炒飯炒飯炒得幾乾身，味道都好好。仲有跟塊蝦餅，好大塊好脆好送飯。一樣有太陽蛋，仲係半熟既添，煎得好靚，撈飯岩晒。小食薯仔餅咬開軟綿綿，真材實料，好多薯仔粒！總括黎講食物分量都唔少，性價比高。