Papa (已結業)

網上搵到呢間叫Papa的外賣店，價錢唔貴，睇餐牌仲幾啱食，一於同朋友叫呢間先。見近近地就自己上去pick up，大廈唔難搵，不過架𨋢要拉閘真係有啲唔慣呀。一早落左單，去到㩒個門鐘就有得拎，非常有效率👍見天氣咁好，同朋友到左觀塘海賓到開餐，嘩，原來呢度平日都好多人帶地壇黎野餐喎，呵呵，我哋就食香噴噴嘅外賣🤭🐖豬腩肉飯配香草雜菜汁🍚自己點左豬腩肉飯，有四大片腩肉，多肥少瘦加上豬皮燒得香口真係幾正，入口有滿滿的豬油，好滿足😝香草汁幾啱口味，多汁正好撈飯食，配料有紅蘿蔔同椰菜仔，有肉有菜啱晒啦。🐂牛肋條飯配紅酒燒汁🍚朋友叫左牛肋條，牛就梗係要配紅酒汁啦😛炆得好入味，啱啱肉正呀，配菜同樣係紅蘿蔔同椰菜仔。🐓Papa Yellow🥗另一位就話要健康啲食沙律戒澱粉質喎，叫左個Papa yellow，有牛油果、蕃茄、芒果、雞肉同沙律菜，都幾大碗喎，仲有啲藜麥添，抵食過便利店嘅沙律餐😆朋友表示滿意👍人均五十蚊左右就食飽飽，正🤤