影片
更多
2022-10-09
437 瀏覽
之前見有朋友推介過富榮花園二期地下呢間「果子」外賣專門店，今日趁嚟開呢頭，專登過嚟買外賣。店舖主打海南雞飯同喇沙摻摻，另外亦有幾款湯米、撈麵、小食同飲品等可供選擇。揀咗盒果子海南雞飯、香煎豬頸肉喇沙摻摻，另外再加咗兩款小食。果子海南雞飯 ($40) 海南雞飯可選配白飯或油飯，另外隨飯更會奉雞湯一碗。碗雞湯味道唔錯，入口清甜不膩。雞肉肥瘦均勻，肉嫩又汁豐，咬下啖啖肉，一點也不嚡口，以三色醬佐吃，更添美味。油飯水準亦不俗，每粒都飽吸油香👍至於另一客香煎豬頸肉喇沙摻摻 ($52) 亦非常抵食，睇下幾大碗，份量十足，而且店員好細心，將麵同湯分開盛載。湯底香味獨特，輕滲微辣，細嚐更帶陣陣椰香，惹味非常。麵有油麵和米粉，油麵滑嘟嘟，米粉盡吸湯汁，配埋雞蛋同湯內嘅豆卜一齊食，層次感十足！豬頸肉亦唔失禮，肉爽帶油香，Juicy 味美。至於小食方面就選了馬鈴薯炸蝦卷 ($16) 同 嗲牛肉串燒 ($20)。蝦卷外層嘅薯絲炸得好香脆，蝦肉彈牙有口感；串燒嘅火候亦控制得相當好，牛肉有咬口又唔韌，配埋面頭嘅沙嗲汁食，好滋味。
之前見有朋友推介過富榮花園二期地下呢間「果子」外賣專門店，今日趁嚟開呢頭，專登過嚟買外賣。
店舖主打海南雞飯同喇沙摻摻，另外亦有幾款湯米、撈麵、小食同飲品等可供選擇。揀咗盒果子海南雞飯、香煎豬頸肉喇沙摻摻，另外再加咗兩款小食。
果子海南雞飯 ($40) 海南雞飯可選配白飯或油飯，另外隨飯更會奉雞湯一碗。碗雞湯味道唔錯，入口清甜不膩。
雞肉肥瘦均勻，肉嫩又汁豐，咬下啖啖肉，一點也不嚡口，以三色醬佐吃，更添美味。油飯水準亦不俗，每粒都飽吸油香👍
至於另一客香煎豬頸肉喇沙摻摻 ($52) 亦非常抵食，睇下幾大碗，份量十足，而且店員好細心，將麵同湯分開盛載。湯底香味獨特，輕滲微辣，細嚐更帶陣陣椰香，惹味非常。
麵有油麵和米粉，油麵滑嘟嘟，米粉盡吸湯汁，配埋雞蛋同湯內嘅豆卜一齊食，層次感十足！豬頸肉亦唔失禮，肉爽帶油香，Juicy 味美。
至於小食方面就選了馬鈴薯炸蝦卷 ($16) 同 嗲牛肉串燒 ($20)。蝦卷外層嘅薯絲炸得好香脆，蝦肉彈牙有口感；串燒嘅火候亦控制得相當好，牛肉有咬口又唔韌，配埋面頭嘅沙嗲汁食，好滋味。
張貼
