影片
更多
2022-11-11
694 瀏覽
秋風起，呢排成日俾啲大閘蟹🦀🦀洗版，個個都食，搞到我都心癢癢😲，可惜身邊嗰個唔鍾意食大閘蟹，睇左好多地方，最終選擇左呢度😁，因為身邊人唔食大閘蟹都仲可以打邊爐🤭。初初都有啲忐忑，始終喺街市裡面，不過黎到見到環境都可以接受，地下都乾淨，唔會濕立立。重點係價錢抵食，我哋早段時間五點半可以食到八點，有2.5小時，都係$348一位。最正係有啤酒任飲🤗。先講主角大閘蟹🦀，坐低先俾一公一乸，頭兩轉無得選擇，第三round就可以擇食公定乸。我覺得呢度服務幾好😏，佢哋會留意大家食到咁上下，就問大家仲要唔要，上蟹速度都好快，黎到都係熱辣辣既。蟹既size大約係3,4両，講真食得任食，都唔會要求太高，因為係當造季節，蟹膏都算多，不過蟹唔算太鮮味，味道稍為淡啲，但食左咁多隻都無死蟹，算係咁😋。至於打邊爐配料既選擇，都係啲大路既丸類，餃子，肥牛等等😲。當然呢度既肥牛係好一般既貨色，但食落又唔算差，有牛味又唔會好羶。最鍾意係D餃子，大大隻好飽滿😋😋。湯底其實可以選擇雞煲，不過我既重點係食大閘蟹，驚食唔晒咁多野，所以選擇左皮蛋芫茜湯。又估唔到都幾好味，食咁多大閘蟹，飲下芫茜湯即刻好舒服😂😂。整體感覺好好，因為時間
初初都有啲忐忑，始終喺街市裡面，不過黎到見到環境都可以接受，地下都乾淨，唔會濕立立。
重點係價錢抵食，我哋早段時間五點半可以食到八點，有2.5小時，都係$348一位。最正係有啤酒任飲🤗。
先講主角大閘蟹🦀，坐低先俾一公一乸，頭兩轉無得選擇，第三round就可以擇食公定乸。
我覺得呢度服務幾好😏，佢哋會留意大家食到咁上下，就問大家仲要唔要，上蟹速度都好快，黎到都係熱辣辣既。
蟹既size大約係3,4両，講真食得任食，都唔會要求太高，因為係當造季節，蟹膏都算多，不過蟹唔算太鮮味，味道稍為淡啲，但食左咁多隻都無死蟹，算係咁😋。
至於打邊爐配料既選擇，都係啲大路既丸類，餃子，肥牛等等😲。
當然呢度既肥牛係好一般既貨色，但食落又唔算差，有牛味又唔會好羶。
最鍾意係D餃子，大大隻好飽滿😋😋。
湯底其實可以選擇雞煲，不過我既重點係食大閘蟹，驚食唔晒咁多野，所以選擇左皮蛋芫茜湯。又估唔到都幾好味，食咁多大閘蟹，飲下芫茜湯即刻好舒服😂😂。
整體感覺好好，因為時間2.5小時，唔會太趕，真係你食到幾多就俾幾多你，好滿足🤗！只係大閘蟹質素就普通D，但呢個價錢係可以接受既。
張貼
