慢煮工業 (已結業)

嗰日落住小雨，行過一間西餐廳，就同老婆行左入去食飯。一入到餐廳，就已經感受到一種好親切既感覺。餐臺同凳都係用木做，散發住木香，加上播緊既音樂，令呢間餐廳加添幾分精彩。服務員既態度好好，對食客亦都好親切。令到我有種賓至如歸既感覺。我地點咗all day breakfast 同埋煙三文魚牛油果薄餅。all day breakfast 可以揀安格斯牛扒或者龍蝦尾，咁作為一個牛魔王我梗係揀牛扒啦。牛扒5成熟，味道鮮美，調味啱啱好，又唔會太油，真係唔錯。除咗牛扒，仲有炒蛋，薯餅，多士，茄汁豆同埋沙律。份量夠大，味道有好，值得一試。煙三文魚牛油果薄餅好大分，胃口細既人未必食得曬。薄餅既芝士同埋醬汁真係好好食，加上極度新鮮既三文魚同埋濃厚既牛油果，令到呢碟薄餅升晒level。呢個係必叫架！整體黎講，呢間餐廳唔單只味道好，而且抵食夾大件，服務態度良好，值得一試。