爺爺雞飯 (金百利中心) (已結業)

今次黎到呢間爺爺雞飯,講真真係糧尾恩物,性格比認真唔錯既一間餐廳，地點好方便,E出口一出行幾步記可能答lift上去，環境都幾唔錯了,起碼坐得舒服,坐位夠闊唔會迫迫夾夾咁。最吸引我既一樣野係佢有個Set,88蚊就食到海南雞飯+喇沙,岩晒我！！ 呢D有選擇困難既,唔洗諗,要晒XD🔸爺爺海南雞飯併新加坡喇沙呢個Set真係認真抵食,初初以為份量會少,最後居然兩樣都係完整一份! 而且都好有水準,雞有雞味,皮爽肉滑,油飯都好香,大口大口爬飯真爽, 喇沙都唔錯,湯頭香濃帶鮮,風味十足,咁樣先88蚊,認真抵食🔸香茅豬扒煎蛋蔥油飯每次見到呢個組合都會忍唔住叫黎食,因為每一樣野都岩晒我口味,豬扒, 煎蛋,蔥油,飯!豬扒夠晒大塊,整體都好食,如果蔥油可以多少少就更加好🔸叄巴蘿蔔糕諗叫咩小食揀左好耐,最後揀左呢個,點知有驚喜!蘿蔔糕外面果D醬,好好食呀!甜甜辣辣夾埋蘿蔔糕出奇地夾,建議諗唔到食咩小食記揀呢個啦!🔸椰汁班蘭冰椰子味同班蘭味都夠出,好飲唔小心聽到老闆同朋友傾點improve D菜色,覺得係有誠意做好佢既。會有下次