稻八日式火鍋炸物放題 (已結業)

週四晚收工後就同男朋友搵飯食，試左呢間稻八日式火鍋炸物放題，價錢唔貴，質素都唔錯喎一共有6個價錢，定價$168-$368，任食120分鐘，9:30pm後入座仲有全單85折。餐廳裝潢帶日本風，空間感足，分佈唔會密密麻麻，牆上仲有幾靚嘅壁畫。有個角落掛左好多許願木牌，客人可以喺門口位置自取，寫上願望，都幾特別嘅。所有套餐包肉類任食，蔬菜、丸類等自助吧自取，另外設有DIY炸天婦羅吧，客人可以親手試做天婦羅，沙律吧、雪糕、糯米糍都係任食，飲品任飲，選擇豐富。湯底有8款，例如鮮蕃茄湯、沙嗲湯、北海道3.7牛乳牛骨湯等，雙味湯底每鍋加$18。我地揀左一個除左牛、豬、羊、雞、炸物，仲包埋刺身嘅牛小排放題($238)，每位加$20可任飲啤酒Asahi，會飲酒嘅抵鮮蕃茄湯底就冇乜特別啦，都有幾片蕃茄同少少茄味，呢啲湯底都係自己拎材料再調較味道啦，加啲粟米、冬瓜片、南瓜片。極上安格斯牛小排放題 $238呢個餐包括特級美國榖飼牛、美國進口牛肉、羊肉、美國自然豚肉片、日本北海道雞片、炸物、刺身任食，兩位起會送一份海鮮盛合。$238以上嘅套餐可任選刺身，點其他餐嘅客人如果想食就要單點，逐件計錢，$3-$5/件。