URBAN Cafe (駱駝漆大廈第一座)

營業中

休息中

好鐘意貓貓既我，屋企環境唔適合養貓貓，唯有搵啲貓cafe 同貓貓玩下，治癒下啦。今日就去左觀塘Urban Cafe邊食野邊睇貓，悠閒過左下午。Cafe 面積好大，好寛敞，無論貓貓定小朋友都有足夠活動空間。呢度啲唔單止唔洗咩入場費，而且午餐幾抵食，最平七十零蚊就有，Set 有牛油多士、餐湯同餐飲。哈密瓜水蜜桃合桃柑橘醬沙律🥗沙律蔬菜新鮮爽口，醬汁加不同生果食，好清新，沙律面有幾粒合桃，好味😋。香草豬扒伴菠羅莎莎🐖豬扒大大塊，好淋好入味，夾埋面頭洋䓤酸菜醬汁食，幾特別。蟹籽鰻魚玉子蛋墨西哥卷餅🌯️將日式元素混合墨西哥卷餅，好夾幾新鮮。日式忌廉蛋卷配雪糕🍦忌廉蛋卷細細件，蛋香十足，忌廉好滑，配埋雪糕一齊係一個好好味既甜品。芒果紫米酸奶🥛質感好滑，甜度適中微酸，裏面仲有芒果同紫米，口感更豐富。另外仲可以成本價買罐頭糧喂貓貓，成班貓貓就會洶湧而上，任影唔嬲。