板長壽司 (創紀之城五期) (已結業)

作為香港基層市民，板長都算係食壽司的一個唔錯選擇! 而每次食板長都係為左松露油油金魚壽司而黎，最愛見到師傅切到近皮的部分特別鮮味，配埋松露油或醬，更加將魚生的鮮甜發揮出來。不過要留意近排食已經上調至$10一件不知不覺已經貴左呢～另外叫的三文魚壽司($7) 喜出望外，件魚生好厚好次食緊刺身咁! 另外必食推介仲有火炙三文魚腩壽司($6) ，用火槍燒過的三文腩油份出哂黎，入口即溶! 除左啲壽司仲叫左個和風鵝肝沙律($38)，呢個沙律食落油份重啲，因為除左沙律油同沙律醬之外，仲有幾件鵝肝，煎過的味道流入沙律菜之中，所以比其他沙律較重味道。