唐記包點

營業中

休息中

琴日返屋企之前，俾屋企人叫左去買唐記包點返屋企做晚餐！見到佢新出咗款鍋貼，梗係要試吓啦！10幾蚊有三舊，價錢合理。食落去餡料好足。而佢嘅鹹魚肉餅飯份量非常之大鹹魚嘅鹹度適中，而肉餅有手掌咁大！如果平時好肚餓一定要帶佢啲飯嚟食，因為真係好抵食！以佢嘅糯米雞真係好大隻，入面亦都非常足料，有一隻雞中翼同埋大大舊豬肉，而且味道媲美得上茶樓嗰啲！雞扎同鮮竹卷都同茶樓嘅水平差唔多，而且唔會太油膩！尤其雞扎入面嘅料非常多，會令你覺得好抵食！最後我都見到佢有一款新出嘅牛肉包，就諗住買來做聽日嘅早餐。包入邊嘅牛肉味非常之濃，但食落去又唔會話好咸，以呢個價錢來講都可以試一試！