Chatterbox Express (已結業)

天氣潮濕個人冇咩胃口，突然之間好想食啲辣嘢刺激下，睇睇下不如食喇沙，就揀咗呢間新加坡菜。星洲海鮮炒貴刁份量都幾多，大蝦爽口彈牙，河粉炒得乾身，味道幾惹味，臘腸幾好食。迷你招牌蝦喇沙喇沙味道濃郁，帶少少辣味，豆卜吸收晒湯汁味道，大蝦彈牙。班蘭蛋糕配椰子雪糕班蘭蛋糕口感鬆軟，椰子雪糕味道香濃。鹹蛋黃雞翼雞翼即叫即炸，炸到外脆內多汁，鹹蛋黃好惹味。凍美祿恐龍美祿上面放滿美祿波波，味道香濃，美祿波波香脆可口。