豚豚食堂

營業中

休息中

今日晏晝經過北角匯，見到豚豚食堂內有個吉咗嘅卡位，於是我哋就決定入去食午餐啦，因為佢入面嘅卡位都幾好坐，夠哂闊，我哋睇完餐牌後，三個都決定食拉麵，叫咗兩個輕盈套餐白豚拉麵＋自家製餃子（3隻），另一個叫自選拉麵套餐赤豚拉麵＋串燒雞軟骨，大約等8至10分鐘就有得食啦，拉麵豬骨湯底，豚肉亦唔會太肥，都幾厚肉，成碗拉麵食完都唔覺油膩，自家製餃子皮薄餡多，好食，最主要餃子皮唔會煎得太硬，仲有雞軟骨加上檸汁，又軟又香唔會太鹹，算係抵食！整體環境及服務都唔錯。