東京一番 (已結業)

一家大細去左東京一番食放題，因為真係好抵食丫，因為就埋放工去，去到九點半嘅話再like fb 就有第二位半價優惠，超級著數丫。一到步，一埋位，大家就點左刺身先，服務好好，冇漏單，吾洗好耐就上齊刺身啦，我地係睇左openrice搵呢間，知道蝦係大家都讚嘅，果然好鮮甜，不過我覺得最正嘅係三文魚，超級新鮮，而且厚切，好肥美，好好食，大家都可點多d，我地都嗌左3round丫，哈哈！另外壽司都好吸引，有火炙壽司，帶子嘅好食，帶子鮮甜，而三文魚火焰壽司都好食。炸物我覺得炸尤魚鬚都好好食，吾係好多放題有，好惹味，好似出街嘅小食店嘅，應該係即嗌即炸，上碟熱辣辣，好正。怕熱氣都吾洗驚，因為仲有好多飲品冰涼一下，啤酒，韓式飲品，涼茶，汽水應有盡有丫。仲有salad bar 又有老火湯，蟹粥，碗仔翅自己拎，粟米，鳳爪都自己拎，雪糕都算多味道選擇，吾錯，食到超飽，個個抱住個肚，非常滿足。真正平靚正，抵食放題之選。