日和号壽司料理 (已結業)

位於九龍灣megabox嘅日和號近排做緊promotion， 壽司竟然半價咁抵食當然一定要去試下啦。 睇完menu發覺原來佢都好多壽司款式揀， 既然半價，都冇特別睇價錢就點咗一堆。超飽超抵食， 個人覺得佢嘅六吋三文魚壽司十分值得推介，味道唔錯，三文魚十分新鮮，三文魚有長長嘅拖尾， 感覺叫一件就好似有兩件食一樣。 另外佢嘅火炙左口魚邊都好好食， 入口即化。 海膽壽司十分新鮮一啲腥味都冇。 我哋另外亦都叫咗刺身，佢嘅鮑魚好好食十分新鮮彈牙。 三文魚腩油脂分佈亦都十分平均。 佢嘅章魚燒都唔錯，食落就已經知係即叫即炸， 外脆內軟。飲品方面我哋叫咗熱玫瑰柚子蜜同梅子青檸梳打。 玫瑰柚子蜜嘅玫瑰味都幾重，而且唔會覺得好人工味。 梅子青懧梳打青檸味好重，不過梅子味就唔太明顯。整體嚟講我覺得都幾抵食。