影片
更多
2022-12-14
60 瀏覽
係Mega Box睇完戲，又搵下周圍有咩好野食先~ 係戲院落一層有間日本餐廳日和号做緊半價刺身壽司promotion，即刻心心眼😍日和号既門面非常吸晴，門口有架火車頭比大家打卡，小朋友實好鍾意姐！室內環境都好特別，d卡位模仿車廂既設計，好似瞬間去左日本鐵道旅行咁🚝♢ 🐠刺身我地點左4款刺身︰三文魚腩 (4片)﹑帶子(6片)﹑北寄貝 (6片)﹑油甘魚(4片)滿滿一盤刺身好靚！份量仲唔少添~ 每樣刺身都好新鮮，特別鍾意厚切三文魚腩，口感肥美，充滿油脂！男朋友最鍾意北寄貝，口感爽口。值得一讚既係點餐紙列明刺身份量，明碼實價。♢ 🍣壽司▫️三文魚：魚紋清楚可見~ 本身想試6吋三文魚，可惜晚市已經售罄。▫️八爪魚：八爪魚新鮮爽口。▫️芒果花之戀︰芒果好甜美，同三文魚perfect match~ 一啖擺落口非常滿足！▫️吉列炸蝦︰蝦都算大隻，炸得夠香脆。♢ 🔥火炙壽司▫️火炙三文魚腩︰三文魚夠肥美，入口即溶，火炙完逼出魚油更加香。▫️火炙左口魚邊︰火炙過後帶出豐富既油脂感，焦香既味道再加埋d燒汁，非常正！▫️胡麻醬火炙帆立貝：估唔到加左胡麻醬味道又幾特別，仲加左木魚絲，有驚喜！▫️火炙柚子胡椒帆立貝：加左柚子調味
日和号既門面非常吸晴，門口有架火車頭比大家打卡，小朋友實好鍾意姐！室內環境都好特別，d卡位模仿車廂既設計，好似瞬間去左日本鐵道旅行咁🚝
♢ 🐠刺身
我地點左4款刺身︰三文魚腩 (4片)﹑帶子(6片)﹑北寄貝 (6片)﹑油甘魚(4片)
滿滿一盤刺身好靚！份量仲唔少添~ 每樣刺身都好新鮮，特別鍾意厚切三文魚腩，口感肥美，充滿油脂！男朋友最鍾意北寄貝，口感爽口。值得一讚既係點餐紙列明刺身份量，明碼實價。
♢ 🍣壽司
▫️三文魚：魚紋清楚可見~ 本身想試6吋三文魚，可惜晚市已經售罄。
▫️八爪魚：八爪魚新鮮爽口。
▫️芒果花之戀︰芒果好甜美，同三文魚perfect match~ 一啖擺落口非常滿足！
▫️吉列炸蝦︰蝦都算大隻，炸得夠香脆。
♢ 🔥火炙壽司
▫️火炙三文魚腩︰三文魚夠肥美，入口即溶，火炙完逼出魚油更加香。
▫️火炙左口魚邊︰火炙過後帶出豐富既油脂感，焦香既味道再加埋d燒汁，非常正！
▫️胡麻醬火炙帆立貝：估唔到加左胡麻醬味道又幾特別，仲加左木魚絲，有驚喜！
▫️火炙柚子胡椒帆立貝：加左柚子調味比較清新，帶點胡椒香味。
▫️七味火炙鱈場蟹棒︰真蟹棒，唔係蟹柳黎架，加埋沙律醬好味！
♢ ⚓️軍艦壽司
▫️三文魚籽軍艦︰三文魚籽都幾大粒，紫菜好爽脆！
▫️香蔥吞拿魚腩碎軍艦︰吞拿魚腩碎夠新鮮，口感軟綿綿，推介~
♢ 🐙八爪魚小丸子
口痕想食下熱野，半價小食得一款揀，不過勝左夠平！麵糊比較厚，章魚口感爽彈，CP值ok！
♢ 🍹白桃乳酸梳打 ‧ 芒果梳打
兩杯飲品都超大杯~ 白桃乳酸幾正，乳酸味好出，有淡淡既白桃味。芒果梳打甜甜地，清新開胃。
日和号既刺身同壽司雖然做緊半價優惠，但係質素都保持水準，CP值唔錯~ 最鍾意佢既火炙壽司，款式都算多，而且燒得幾香口。Mega Box無咩日本野食，如果黎到呢邊又想食魚生，不妨過黎試下！
張貼
