影片
更多
2022-07-02
9761 瀏覽
Disneyland hotel staycation package包兩位早餐set，如果想轉buffet要每位+HKD70，本身我地怕buffet選擇少唔打算upgrade，點知入到去既時候見到好多熱盤，都幾多野食咁，就改變主意upgrade啦。我諗係因為迪士尼本身既客群都係多國旅客，佢推出既食物種類都係多元化，所以有中式、西式、日式、台式都有，好吸引！我地首先行去沙律吧，沙律菜睇落都新鮮，有幾款芝士選擇、青瓜粟米、沙律醬都有，仲有好肥美既煙三文魚片、藜麥沙律、煙火腿。過左沙律吧就係麵包蛋糕區，有咸或甜既牛角包，呢個好好食，好鬆脆！有各式各類既蛋糕、muffins、方包、泰式椰糕，我拎左個米奇樣既朱古力muffin，呢個好食，夠厚實，又唔會好乾，好足朱古力味。佢仲有麵包布甸❣️呢個必食，溫度有，料足、蛋糕鬆軟、味道一流！好耐冇食過有水準既麵包布甸啦。再行過少少就有炸雞、米奇pancakes、窩夫，好好食，仲有三款醬比你，士多啤梨醬、朱古力醬、糖漿，仲有啲三色粒粒比你做點綴，小朋友一定好鍾意❤️熱食方面真係好多選擇，蛋都有幾款，茶葉蛋、炒滑蛋、太陽蛋、奄列、仲有一個煙肉蛋米奇撻，造型滿分
我諗係因為迪士尼本身既客群都係多國旅客，佢推出既食物種類都係多元化，所以有中式、西式、日式、台式都有，好吸引！
我地首先行去沙律吧，沙律菜睇落都新鮮，有幾款芝士選擇、青瓜粟米、沙律醬都有，仲有好肥美既煙三文魚片、藜麥沙律、煙火腿。
過左沙律吧就係麵包蛋糕區，有咸或甜既牛角包，呢個好好食，好鬆脆！有各式各類既蛋糕、muffins、方包、泰式椰糕，我拎左個米奇樣既朱古力muffin，呢個好食，夠厚實，又唔會好乾，好足朱古力味。
佢仲有麵包布甸❣️呢個必食，溫度有，料足、蛋糕鬆軟、味道一流！好耐冇食過有水準既麵包布甸啦。再行過少少就有炸雞、米奇pancakes、窩夫，好好食，仲有三款醬比你，士多啤梨醬、朱古力醬、糖漿，仲有啲三色粒粒比你做點綴，小朋友一定好鍾意❤️
熱食方面真係好多選擇，蛋都有幾款，茶葉蛋、炒滑蛋、太陽蛋、奄列、仲有一個煙肉蛋米奇撻，造型滿分💯仲有蜜汁火腿，即叫即切😋仲有薯餅(呢個必食，好脆好足料)、雜菜、車厘茄、雞肉腸、法蘭克福腸應有盡有。
台式野有紫菜肉鬆蛋餅、日式有雜菜天婦羅，中式有自由搭配粥(配料有蝦、帶子揀，超豐富)，啲粥都好綿滑👍🏼仲有好幾款點心，有豬仔造型既叉燒包、蝦餃、燒賣、蘿蔔糕、馬蹄糕，炸春卷😆如果想食麵都有，又係自由搭配。
飲品同水果係正中間，飲品有果汁，如蘋果汁、橙汁、西柚汁，其他飲品有港式奶茶、咖啡、茶，可自行拎檸檬片變檸茶。港式奶茶好飲，比普通茶記既奶茶更香更醇更有奶味，估佢唔到！
水果選擇都有好多，除咗傳統上有嘅西瓜、哈密瓜，仲有蜜瓜同埋菠蘿、少量士多啤梨、提子、一個個蘋果，橙都有，好impressed👍🏼仲有yogurt bar，係meji yogurt，有士多啤梨同芒果味。
因為每款食物都唔係樣樣用透明蓋，衛生關係我都冇逐個打開影相，只能文字敘述，佢提供既食物種類真係好多好多，加$ upgrade好值！可惜只有1 hr用餐時間。我地7:45am就落去食，餐廳開7:30am，早少少落去食會少好多人，唔洗同人逼，8點後就開始好多人了。
餐廳環境係採用歐陸風格設計，好似去左城堡餐廳食嘢咁🤣每個餐廳職員都好有禮貌，服務好周到，其實我呢兩日一夜係迪士尼遇到既職員都好好，佢地既服務態度真係好，有禮貌，唔通係樂園做，周圍環境氣氛開心？😂
下次再黎我都會揀buffet，食set都係出面樣樣夾啲比你，自己夾起碼可以揀新鮮啲既。
.
味道 ★ ★ ★ ★ ☆
環境 ★ ★ ★ ★ ☆
服務 ★ ★ ★ ★ ☆
性價比★ ★ ★ ★ ☆
張貼
