川霸王 (已結業)

地址－川霸王觀塘巧明街94-96號鴻圖中心地下5B號舖💋霸王水煮腩片(小辣)，見到MENU有水煮腩片咁別緻，其他地方唔多見有得食，所以都叫黎試下，見到佢都幾貼心，同一碗野裡有層隔可以隔開白飯，做法唔錯，D腩片份量都唔少，煮得都算入味，肥瘦都幾均稱下，幾有驚喜，而佢D配料都幾多，雖然叫小辣，但因為不時都咬到D花椒，所以都幾麻下，幾刺激，而佢裡面都有唔少寬粉，索湯一流，勁正。💋霸王酸菜魚(小辣)，同水煮腩片一樣，都係幾貼心地分開白飯咁呈上，佢D魚肉質嫩滑而且結實，唔會一夾就散，D魚同酸菜份量都幾足，幾有鹹香，令人停唔到口，酸度適中，做得唔錯。