影片
更多
2021-04-24
336 瀏覽
熟悉九龍城嘅應該唔會對地茂館陌生，呢間糖水舖一直以嚟都扎根喺嗰區，而且多年嚟絕無分店。不過近年就喺將軍澳開咗一間新分店，呢日見行過附近就決定試下，睇下水準有無唔同。鋪面沿用仿舊式風格，牆壁上有介紹幾個招牌甜品嘅做法。令人眼前一亮嘅係原來呢度嘅楊枝甘露係用咗雪糕嚟整，做法相當獨得。雖然店舖面積比較細，但由於係晚上時間，所以唔洗等位就可以即刻食。蛋白燉鮮奶 ($27)雖然楊枝甘露好吸引，但由於唔方便食凍野，所以揀咗個熱嘅蛋白燉鮮奶。同好多其他甜品鋪一樣，呢個燉鮮奶都食得出係之前整好咗再加熱，但佢嘅奶味好香又夠滑，可以話係彌補到呢個不足。鐘意食比較甜嘅人可能會覺得唔夠糖，但個人嚟講呢個甜度就啱啱好，食落聲都唔會有罪惡感！同之前係九龍城店食嘅相比，我覺得水準算幾一致。紅豆馬豆糕 ($6)呢個糕可以話係佢地嘅一個招牌，一嚿糕裡面紅豆糕馬豆糕各佔一半，分開食又得，一齊食亦得。個人嚟講梗係推介兩邊一齊食，咁先可以試到馬豆嘅清甜同紅豆香混和嘅味道。同九龍城店相比，我覺得呢度嘅馬豆比較少，如果可以填滿多啲個糕就會令人滿足啲。不過今時今日仲可以用六蚊食到件咁特別嘅糕點，我覺得非常抵食。總括嚟講，呢個價值算
鋪面沿用仿舊式風格，牆壁上有介紹幾個招牌甜品嘅做法。令人眼前一亮嘅係原來呢度嘅楊枝甘露係用咗雪糕嚟整，做法相當獨得。雖然店舖面積比較細，但由於係晚上時間，所以唔洗等位就可以即刻食。
蛋白燉鮮奶 ($27)
雖然楊枝甘露好吸引，但由於唔方便食凍野，所以揀咗個熱嘅蛋白燉鮮奶。同好多其他甜品鋪一樣，呢個燉鮮奶都食得出係之前整好咗再加熱，但佢嘅奶味好香又夠滑，可以話係彌補到呢個不足。鐘意食比較甜嘅人可能會覺得唔夠糖，但個人嚟講呢個甜度就啱啱好，食落聲都唔會有罪惡感！同之前係九龍城店食嘅相比，我覺得水準算幾一致。
紅豆馬豆糕 ($6)
呢個糕可以話係佢地嘅一個招牌，一嚿糕裡面紅豆糕馬豆糕各佔一半，分開食又得，一齊食亦得。個人嚟講梗係推介兩邊一齊食，咁先可以試到馬豆嘅清甜同紅豆香混和嘅味道。同九龍城店相比，我覺得呢度嘅馬豆比較少，如果可以填滿多啲個糕就會令人滿足啲。不過今時今日仲可以用六蚊食到件咁特別嘅糕點，我覺得非常抵食。
總括嚟講，呢個價值算係超值，加上同總店水平相近，住附近嘅絕對可以多多考慮。
蛋白燉鮮奶
$27
13 瀏覽
0 讚好
0 留言
紅豆馬豆糕
$6
10 瀏覽
0 讚好
0 留言
張貼
