Gustoso Burger (海都大廈) (已結業)

近銅鑼灣世貿大廈嘅呢間漢堡包外賣店，見到佢價錢都唔算好貴而且一個set仲可以包炸蠔等小食，再加埋嘢飲，價錢都只係70幾蚊左右。嗰日我嗌咗個佢哋最經典嘅芝士牛肉漢堡，首先講吓佢嘅漢堡包皮，即是我拎咗返屋企食，麵包都唔會淋哂。同埋我自己最鍾意係佢嘅牛肉好多汁，就算凍咗都唔會好油，而佢嘅蕃茄同生菜亦都好新鮮。再講下佢嘅小食炸蠔，雖然得兩舊，但係每一嚿都好大隻，炸完之後亦都唔會好油。佢呢度嘅飲品都幾多選擇㗎，但我自己就嗌咗杯普通嘅茶，想飲得清淡啲嘅話都係一個唔錯嘅選擇！