泰廚泰國菜館

營業中

休息中

喺旺角經過開呢間餐廳，應該都發覺每次都好多人喺門口等位。但係今晚因為有啲野做，九點幾先食晚飯，呢個時候去就最好唔使點等位啦。 因為同朋友都唔係好食得辣，所以就嗌左幾樣唔辣嘅嘢，食泰國嘢通常都係要食辣嘅，但係呢幾日唔辣嘅菜式都做得相當唔錯。菠蘿炒飯嗌左一個必叫嘅菠蘿炒飯，喺其他地方食菠蘿炒飯通常都好細，但係呢一間嘅份量非常充足，亦都好足料。炒飯上面有一層厚厚嘅肉鬆，入面有好多唔同種類嘅海鮮，好似魷魚啊青口啊，好滿足。泰式炒金邊粉呢個金邊粉亦都非常惹味，甜甜地加埋啲青檸汁又有少少酸味。重點係配料亦都好多，所以呢一個亦都非常唔錯。鋪頭門口其實係有得買外賣串燒，而堂食嘅串燒呢就可以分開沙嗲醬上啦。呢間鋪頭其中一個賣點就係，一星期每一日都有唔同嘅優惠。我去食嗰日係星期一，就係食滿＄200 ,就可以加一蚊換泰式生蝦。味道都OK ,一蚊嘅話真係好抵食啊！最後埋單每人唔使＄130 , 都算幾抵食呀！