泰COOL (鴻圖道) (已結業)

今晚朋友帶路嚟食泰國菜，地方闊落好好坐～唔會同隔離枱貼枱，播住懷舊英文歌夠晒chill由於食左下午茶唔係太肚餓，一人叫左一個主食同飲品先啦～海南雞飯$78海南雞去晒骨，啖啖肉，懶人最愛～油飯嘅斑蘭葉味好香濃，飯量夠多鮮蝦炒金邊粉$88有大大隻天婦羅蝦，蛋網整得好靚，金邊粉份量又係好多，酸酸甜甜好開胃飲品大杯足料～龍眼冰$28大大粒龍眼，味道香甜，感覺滋潤～三色冰$28椰汁味好濃，三色煙韌好爽脆啊！