影片
更多
2022-12-04
17 瀏覽
夜晚約咗去朋友屋企睇世界盃，順便買飯上去食，搵到呢間果子外賣店。海南雞飯跟雞湯油飯($40): $40有海南雞飯加個醬仲有雞湯送埋真係抵到爛，而且質素都唔差，都夠鮮嫩，飯都唔係hea做，油飯份量都俾足。香煎豬頸肉喇沙摻摻($53): 香煎豬頸肉有6 塊，而且湯底仲有三粒魚蛋同豆卜，喇沙湯底好夠椰香味，而且都好濃郁。摻摻湯麵有油面同粗米粉/線，仲有好多芽菜，好扺食! 粟米墨魚餅($12):墨魚餅比想像中細，食落都正常，點埋佢跟嘅甜辣醬就啱啱好。白雲酸辣鳳爪($16):有六舊，一開個已經聞到酸酸辣辣嘅味，識落好入味，而且洗得乾淨。總結：位置比較偏遠，始終唔係大街，都係做街坊生意，但係咁嘅價錢同份量絕對抵食！見到佢下午茶仲要係$35 ，糧尾首選。🥹
海南雞飯跟雞湯油飯($40): $40有海南雞飯加個醬仲有雞湯送埋真係抵到爛，而且質素都唔差，都夠鮮嫩，飯都唔係hea做，油飯份量都俾足。
香煎豬頸肉喇沙摻摻($53): 香煎豬頸肉有6 塊，而且湯底仲有三粒魚蛋同豆卜，喇沙湯底好夠椰香味，而且都好濃郁。摻摻湯麵有油面同粗米粉/線，仲有好多芽菜，好扺食!
粟米墨魚餅($12):墨魚餅比想像中細，食落都正常，點埋佢跟嘅甜辣醬就啱啱好。
白雲酸辣鳳爪($16):有六舊，一開個已經聞到酸酸辣辣嘅味，識落好入味，而且洗得乾淨。
總結：位置比較偏遠，始終唔係大街，都係做街坊生意，但係咁嘅價錢同份量絕對抵食！見到佢下午茶仲要係$35 ，糧尾首選。🥹
張貼
