康記菜館 (已結業)

入黎長洲除了要食大大粒魚蛋之外，食海鮮亦係大家首選，近海邊有多間海鮮酒家，而且間間都有平價套餐，要揀一間食都真係有點困難，而今次同友人黎到都係求其試一間，睇下會唔會中伏!今次因為帶埋狗狗，所以就坐酒家外的位置!有多款不同的海鮮套餐，而我們揀選了4款海鮮加油菜的套餐。椒鹽鮮魷，炸野都唔會話太難食，鮮魷唔會太油，椒鹽味道都好夠，魷魚彈牙!白灼海蝦，份量唔係好多，但食得出係新鮮，彈牙有蝦味!豉椒炒蟶子，蟶子整得過火了，好韌，但醬汁係OK的，送飯係唔錯!清蒸海上鮮，魚係豉汁蒸倉魚，魚整得剛剛好夠熟，魚肉鮮甜!炒油菜有多款菜可以揀，而我就揀選了炒白菜仔，夠鑊氣而且味道剛剛好，軟硬度亦適中!我地仲叫左可樂同白飯!這家酒家的海鮮整體還可以的，係份量唔會話好多，但餸菜夠熱!店員們都好熱情，而且仲有機會見到流浪貓貓討吃呢!