影片
更多
2023-01-17
936 瀏覽
放假去長洲嚟個快閃遊，都有好幾年無入過嚟，梗係要四圍逛下，順便去埋張保仔洞同愛情鎖牆打下卡。行到又攰又肚餓，提議去食海鮮餐醫肚。揀咗北社海旁路呢間「新潮發」，地點好方便，離碼頭只係幾分鐘路程，吹著海風，望住個海景食飯，又的確幾 Chill。我哋點咗個三餸海鮮餐，原來價錢好經濟，只係二百零蚊，仲送湯羹同生菜一碟，真係非常抵食。碗粟米蛋花羹味道唔錯，入口清清甜甜，好有住家 feel。幾款海鮮接著送上。蒜蓉蒸扇貝熱辣辣，上桌時還傳出陣陣蒜香味，煞是吸引！幾隻扇貝嘅 Size 雖然唔算話係好大粒，但食落爽彈鮮嫩，加上索盡元貝汁嘅粉絲同微辛帶甜嘅蒜蓉，簡直係絕配，令味道更昇華。另外呢碟蒜蓉蒸開邊蝦亦睇頭十足，蝦隻份量不少，面頭撒滿了蒜蓉、粉絲和蔥花，賣相美觀。蝦肉鮮爽清甜，火喉同時間都掌握得啱啱好，粉絲吸收晒蝦汁精華，十分惹味！豉汁蒸白鱔 (+$30)，白鱔晶瑩剔透，肥美夠實淨，肉質彈牙，食落無腥味。豉油同豆豉嘅份量亦拿捏得十分準繩，入口味道唔會過咸，用嚟送飯一流。最後上檯嘅生菜亦好有驚喜，雖然係送嘅，但一啲都唔馬虎，大大碟，非常新鮮，脆嫩清甜，爽口味美！
行到又攰又肚餓，提議去食海鮮餐醫肚。揀咗北社海旁路呢間「新潮發」，地點好方便，離碼頭只係幾分鐘路程，吹著海風，望住個海景食飯，又的確幾 Chill。
我哋點咗個三餸海鮮餐，原來價錢好經濟，只係二百零蚊，仲送湯羹同生菜一碟，真係非常抵食。
碗粟米蛋花羹味道唔錯，入口清清甜甜，好有住家 feel。幾款海鮮接著送上。
蒜蓉蒸扇貝熱辣辣，上桌時還傳出陣陣蒜香味，煞是吸引！幾隻扇貝嘅 Size 雖然唔算話係好大粒，但食落爽彈鮮嫩，加上索盡元貝汁嘅粉絲同微辛帶甜嘅蒜蓉，簡直係絕配，令味道更昇華。
另外呢碟蒜蓉蒸開邊蝦亦睇頭十足，蝦隻份量不少，面頭撒滿了蒜蓉、粉絲和蔥花，賣相美觀。蝦肉鮮爽清甜，火喉同時間都掌握得啱啱好，粉絲吸收晒蝦汁精華，十分惹味！
豉汁蒸白鱔 (+$30)，白鱔晶瑩剔透，肥美夠實淨，肉質彈牙，食落無腥味。豉油同豆豉嘅份量亦拿捏得十分準繩，入口味道唔會過咸，用嚟送飯一流。
最後上檯嘅生菜亦好有驚喜，雖然係送嘅，但一啲都唔馬虎，大大碟，非常新鮮，脆嫩清甜，爽口味美！
張貼
