スーパー丼 (駱克道) (已結業)

喺九龍呢邊食抵食嘅刺身飯， 大勝丼同鉄火堂係必然首選，港島區呢，就會去Superdon。三間嘅共通點係款式多，價錢實惠，所以好受歡迎，想幫襯就要早啲去排隊。叫咗兩個丼，平啲嘅三色海鮮丼有油甘魚，吞拿魚同三文魚刺身各兩片，貴啲嘅海之幸丼就豐富好多，有北寄貝，北海道帆立貝，甜蝦，蟹子同松葉蟹肉。以呢個價錢嚟講，兩個丼質素絕對合格有餘，刺身算新鮮亦算大塊，日本米粒粒飽滿，黏度同酸度剛好。味噌湯則有驚喜，味道濃淡得宜之外，湯入面仲有海帶同油揚，一啲都唔馬虎。再叫多客日式餃子，呢個就普普通通啦。