泉記金喜來海鮮飯店 (已結業)

家住新界（離島區）工作在九龍區，很少踏足港島區，更莫說是柴灣，今日弟弟約我話柴灣漁灣邨街市有一間平價海鮮火鍋自助餐，星期一至四只是$150元，而五、六、日只是加$10元（即只是$160元），明碼實價仲免加一小費，找數時亦很均真找回紙幣，唔似一般餐廳收完加一仲找返大銀。服務就麻麻，但憑良心講百六蚊免加一唔可以要求太高。食物方面肥牛、雲吞、水餃等值得推介，但背類海鮮及蟹就不敢躬維了。但喜出望外的是有支裝汽水及支裝維他奶無限量供應。總括整體而論是物超所值的。