正品小館 (已結業)

今日約左朋友係九龍公園游水，游完水之後就梗係要搵餐廳醫肚。行下行下就到佐敦，係門口經過見到入面都幾多人，價錢好抵，就入左去試。餐廳裝修貼地，地方乾淨闊落。有塊板寫曬是日推薦同價錢，明碼實價！豉油皇茄子。個茄子上枱就聞到好香，上枱份量都幾多。望落去似炸蕃薯咁啡黃色，入口好有驚喜！個茄子外脆內軟，表面有層好簿嘅炸粉，入面嘅茄子好軟，好好味。原味蒸石蠔。個蠔好抵食！$88 10隻蠔仲要連殼！出面邊到食到！生蠔好新鮮，蒸完仲係脹卜卜好大隻，好甘甜。豉椒炒花甲。花甲好重手，好多配料。花甲入口微辣，隻隻都厚肉，洗得好乾淨無沙，司傅好有穫氣！肉蟹粥。$68一大碗粥，有成隻蟹係入面，超足料！個蟹粥好鮮味，粥底好綿，兩個人share一碗都食唔曬。仲好貼心咁幫你整開左d殻，可以成舊肉起出黎，好鮮味。