豐衣粥食

營業中

休息中

嘔左兩晚...(食得太多啦)，真係咩都無胃口，今日一定要食返d清淡d既野，媽咪就叫我黎呢度食啦。佢話呢度幾多選擇，又有粥或者粉清淡D啱哂我。由於我地好肚餓，所以兩個人都叫左幾多野食。叫左一個套餐，係蠔豉魚片鹹肉粥配貢丸湯麵。個湯麵係伊麵黎架，佢唔會好淋，少少彈牙，口感OK。個湯非常清淡，真係一D味精都無，啱哂病人，不過其他人就應該會覺得無咩味。不過佢D貢丸好好食呀!!! 真材實料，唔會得D粉，有好多冬菇，非常好食。蠔豉魚片鹹肉粥呢個幾好食呀，雖然都有DD味精架啦，不過佢D料都好鮮味，蠔豉味好出，鹹肉都好正，魚片夠薄不過有少少腥。之後仲有個柱侯蝴蝶腩飯，飯既份量唔少，我地食唔哂拎左D走。原來蝴蝶腩即係爽腩，佢一D都唔UN，好淋WOR，而且好濃味，D柱侯醬入哂味，D汁要黎送飯好好食。我地仲叫左個生菜魚肉湯，幾多胡椒味，D魚肉一D都唔腥，凍冰冰黎飲啱哂，可以驅寒呀! 我地仲要左碟油菜添。我地叫食左咁多野都只係 $56，真係好抵食，而且味道真係唔錯，大家可以黎一試呀。