新新酒家

營業中

休息中

我係一個忠實港式火鍋放題Fans，但而家疫情問題，港式火鍋放題已經賣少見少，稻香又冇再出番。咁岩睇YouTube見到有人講呢間，唔錯咁，就簡左黎呢到打Bino啦。價錢就唔貴，每位$139，有啤酒，汽水任飲，仲有紅豆沙，雪糕。一埋位，佢拎左4個火鍋調味料俾我地，跟住倒鼓油落個鼓油碟到，咁樣做幾衛生，唔錯。我地叫左好多野食，手打丸必食，幾彈牙爽口。之前睇片，個Youtuber咁岩食到既牛麻麻地，但我地今次就好彩，肥牛都唔錯，係d羊肉肥左d。雖然佢d蝦上碟時係熟蝦，但淥完都幾好食，唔霉。仲有象拔蚌食添，爽口。不過份量就好不一，同好多港式火鍋店一樣，可能某d食材存貨好多既，就俾好多你，有d就俾好小你。所以鐘意食又黎得小既，就叫多round。