明乾小館 (裝修中)

午市套餐（剁椒牛肉飯，彩虹蝦餃，炸蝦角，湯，菜）呢個套餐好抵食，可以食到唔同點心而且味道非常正宗。牛肉唔係山竹牛肉個種，而真係牛肉片，炒得好嫩而且又入味。蝦餃賣相好靚仲有大大粒蝦肉。炸蝦角亦都。新鮮炸起但又唔會油淋淋。仲有菜同湯，基本上食完都飽左7成。米網鴛鴦腸脆卜卜既餡加上腸粉片一齊食層次十足，調味亦都岩岩好，打卡必點！雪茄春卷呢個真係好靚，睇樣好似真既雪茄，食落口感十足又有好多蝦肉，唔使點喼汁都夠味。素翅飽魚湯餃呢個係好似灌湯餃咁但有大量素翅，爽口而且又入味，飲埋佢既湯真係好正！糯米雞，流沙包，牛肉生煎包都好好食，每次即叫即整，夠新鮮又唔貴！