影片
更多
2021-10-27
825 瀏覽
2021年10月11日 星期一又到左新一個星期，放左工已經攰到唔想郁，所以決定同老婆出街食費事煮飯最後黎左樂富食呢一間燒肉放題，成人只需要$208就可以任飲任食1.5小時，真係好抵食入到去見到裡面都有唔少座位，而且裝修得好有韓式風格，每枱仲有抽風機方便抽走燒肉中既油煙添睇返餐牌，雖然每人收二百幾蚊，但食物種類都幾多，而且出面仲擺上其他熱食，完全唔擔心唔夠野食，當中仲有頂級韓牛食添，梗係即刻叫黎試下先啦點完餐後店員就送上前菜，每碟既份量都幾多，其中醃芽菜個人覺得幾唔錯，芽菜爽口又酸酸地，食完之後幾開胃跟住食物開始陸續送到，有海蝦、魷魚同帶子，蝦都幾大隻，燒完後食落肉質好彈牙，完全唔黴，應該係新鮮蝦黎至於帶子感覺都唔錯，燒完都唔細隻，而且咬落去一d都唔乾肉類部分，當然點左頂級韓牛肩肉同板腱肉，見到油脂分布都幾平均，而且每一塊切得幾厚，燒咗幾分鐘已經完全熟晒，食落去唔算太油膩，牛肉味好濃郁，又唔會太韌，最後我哋encore左三次另一款推介嘅就係頂級韓牛仔骨，未燒嘅時候見到脂肪好似幾多，不過燒完之後完全唔見晒，可能轉成油份滲入晒肉裡面，所以食落去又腍又有油份，而且仲預先醃咗味，所以味道好足夠最
又到左新一個星期，放左工已經攰到唔想郁，所以決定同老婆出街食費事煮飯
最後黎左樂富食呢一間燒肉放題，成人只需要$208就可以任飲任食1.5小時，真係好抵食
入到去見到裡面都有唔少座位，而且裝修得好有韓式風格，每枱仲有抽風機方便抽走燒肉中既油煙添
睇返餐牌，雖然每人收二百幾蚊，但食物種類都幾多，而且出面仲擺上其他熱食，完全唔擔心唔夠野食，當中仲有頂級韓牛食添，梗係即刻叫黎試下先啦
點完餐後店員就送上前菜，每碟既份量都幾多，其中醃芽菜個人覺得幾唔錯，芽菜爽口又酸酸地，食完之後幾開胃
跟住食物開始陸續送到，有海蝦、魷魚同帶子，蝦都幾大隻，燒完後食落肉質好彈牙，完全唔黴，應該係新鮮蝦黎
至於帶子感覺都唔錯，燒完都唔細隻，而且咬落去一d都唔乾
肉類部分，當然點左頂級韓牛肩肉同板腱肉，見到油脂分布都幾平均，而且每一塊切得幾厚，燒咗幾分鐘已經完全熟晒，食落去唔算太油膩，牛肉味好濃郁，又唔會太韌，最後我哋encore左三次
另一款推介嘅就係頂級韓牛仔骨，未燒嘅時候見到脂肪好似幾多，不過燒完之後完全唔見晒，可能轉成油份滲入晒肉裡面，所以食落去又腍又有油份，而且仲預先醃咗味，所以味道好足夠
最後仲有泡菜湯同炸魷魚食，魷魚好香脆，炸粉唔算太厚，而泡菜湯幾濃味，整體感覺唔錯
張貼
