影片
更多
2008-12-21
33 瀏覽
經濟低迷，百物仍然騰貴，樣樣嘢都想慳番啲，但係食就好難慳！好多食肆唔敢加價但係就將貨就價，唔係用料平啲就係出品細碟啲，要有番咁上下質素嘅又似乎真係貴咗，又平又正又抵食嘅食店究竟仲有幾多？等我嚟推介一下呢間食店比各位街坊，佢係我食晏嘅首選，$25 煲仔飯餐包中或西湯連熱飲，凍飲就加一蚊！味道食咁多次冇一次話唔掂嘅！咁啱呢個星期成個禮拜都咁凍，我就日日下晝都喺佢度食煲仔飯，貪佢夠晒暖，一次過介紹佢啲煲仔飯，湯同埋飲品 ： 雙魷肉粒煲仔飯：雙魷即係新鲜魷魚同埋晒乾咗嘅魷魚(俗稱吊片)，鮮魷魚似係新鮮貨色，味道鮮美，肉質夠爽又彈牙；吊片就香味濃郁有嚼勁！豬肉切丁粒粒好飽滿，肉味濃亦有肉汁，襯埋佢個自製帶甜味嘅煲仔飯鼓油就好好味嘞！ 唔夠鼓油嘅話只要出聲就多多都有！ 北菇滑雞煲仔飯：呢個飯款可能普通啲，但食落竟然有驚喜喎！ 好似發哥話齋，冰鮮雞整得好都可以好好味，呢個蒸飯就體現咗佢嘅說話嘞！啲雞真係好嫩滑好稔又入味，北菇仲散發淡淡香味！不過最美中不足嘅係佢今日煲仔飯賣得太快，啲煲又洗唔切，尾段用錫紙盆代替，啲飯比較快凍，影響咗風味！ 南北杏紅蘿蔔雪耳煲豬骨：雖然係例湯，不過都煲得幾認真！ 湯
經濟低迷，百物仍然騰貴，樣樣嘢都想慳番啲，但係食就好難慳！好多食肆唔敢加價但係就將貨就價，唔係用料平啲就係出品細碟啲，要有番咁上下質素嘅又似乎真係貴咗，又平又正又抵食嘅食店究竟仲有幾多？等我嚟推介一下呢間食店比各位街坊，佢係我食晏嘅首選，$25 煲仔飯餐包中或西湯連熱飲，凍飲就加一蚊！味道食咁多次冇一次話唔掂嘅！咁啱呢個星期成個禮拜都咁凍，我就日日下晝都喺佢度食煲仔飯，貪佢夠晒暖，一次過介紹佢啲煲仔飯，湯同埋飲品 ：
雙魷肉粒煲仔飯：雙魷即係新鲜魷魚同埋晒乾咗嘅魷魚(俗稱吊片)，鮮魷魚似係新鮮貨色，味道鮮美，肉質夠爽又彈牙；吊片就香味濃郁有嚼勁！豬肉切丁粒粒好飽滿，肉味濃亦有肉汁，襯埋佢個自製帶甜味嘅煲仔飯鼓油就好好味嘞！ 唔夠鼓油嘅話只要出聲就多多都有！
北菇滑雞煲仔飯：呢個飯款可能普通啲，但食落竟然有驚喜喎！ 好似發哥話齋，冰鮮雞整得好都可以好好味，呢個蒸飯就體現咗佢嘅說話嘞！啲雞真係好嫩滑好稔又入味，北菇仲散發淡淡香味！不過最美中不足嘅係佢今日煲仔飯賣得太快，啲煲又洗唔切，尾段用錫紙盆代替，啲飯比較快凍，影響咗風味！
南北杏紅蘿蔔雪耳煲豬骨：雖然係例湯，不過都煲得幾認真！ 湯料夠多亦煲得夠老火，連嚿湯骨、紅蘿蔔同雪耳都好好味，算係幾有心嘅例湯！
青紅蘿蔔煲豬骨：同南北杏紅蘿蔔雪耳煲豬骨嘅味道不相伯仲，青紅蘿蔔又係煲到稔晒，豬骨味好濃，真係一碗好湯！
熱咖啡：夠香夠濃，正！
雖然呢間食店係一般小菜舖頭格局，入面放咗好多張大圓枱，但日日下晝都好爆，阿姐有五六個人比同區大小相約嘅食店多，但都係做到踢晒腳，不過個個都有笑容，又好認得人，一入嚟就會話比你聽仲有乜嘢煲仔飯未賣晒，或者今日有啲乜嘢新例湯，你想嘅話，碗例湯仲可以要麵碗咁大，實在好有人情味！
張貼
