牛極 (雅怡居)

營業中

休息中

雖然依家石燒牛扒店經已相當普及，但呢間名為牛極嘅火山石燒牛扒專門店，有唔少嘅媒體均有介紹，所以呢次特意去試一試係位於深水埗嘅分店。同眾多石燒牛扒店一樣都係要在入口處嘅自助販賣機點餐，呢度提供款式都頗多如澳洲牛肉眼，牛肩排，西冷，牛柳，仲有高級嘅和牛可供選擇。呢次點選左牛肩排同牛柳兩款：牛肩排肉味非常濃郁～～再配上店內所提供嘅岩鹽，黑椒，BBQ粉，更能帶出牛肉本身嘅味道。牛柳嘅肉質較牛肩排嫩滑軟稔，肉汁豐富，油脂均勻配上店內所提供嘅生蒜，秘製燒肉汁，辛辣嘅燒汁，可令味道層次更為豐富。除咗牛扒之外，餐廳仲有白飯，沙律菜，牛肉湯都均可任意享用。