富軒

營業中

休息中

富軒係銅鑼灣皇室堡六樓，一出𨋢門就見到不同花花設計，連天花板都有花既燈，幾有心思🥰店員介紹幾款抵食套餐，有2-6人享用，仲會免加一同茶芥，所以最後揀左4人餐👍🏻－－－－－－富軒精選四人餐 $888燒味雙拼盤有油雞、叉燒同燒肉，叉燒燒得好好味，肥瘦適中，唔會好乾同埋食落好軟腍，蜜汁先係重點🤤燒肉皮好脆，脂肪同瘦肉相間，油膩味唔重螺頭燉雞湯非常足料既雞湯😋店員幫我地分好湯後，再分埋湯渣，雞腳已經煲到好腍，湯好清甜芝士龍蝦伊面好期待既龍蝦伊面😍龍蝦多到蓋住伊面，濃濃芝士汁漏到碟邊邊，龍蝦易脫殼，食得方便，口感彈牙，煮時間煮得剛好，好味👍🏻果皮南非鮑魚清鮮蒸好鮑魚，碟都係熱辣辣，鮑魚徹底洗擦乾淨，連鮑魚殼都係，內臟部份已經去除，食得放心，果皮味唔太突出，不過鮑魚真係好清鮮，口感爽脆清蒸沙巴仔魚蒸得幾滑，中間位都係熟透紅燒乳鴿王有兩隻乳鴿，外表幾誘人，燒過的外皮油光滑亮，唔會好肥，鴿肉軟嫩，口感不錯上湯浸時蔬食到最後已經好飽🙈精選甜品甜品送上紅豆沙