富臨皇宮 (已結業)

今日一行三人去土瓜灣富臨食飯，由於大家突然龍蝦癮起，就就叫左個組合B(HKD 238+28)芝士焗美國龍蝦 同 豬手兩道菜再另加個炒菜，加埋都係400蚊左右落樓。首先個豬手煮得好惹味，收貨。不過我主力都係想食龍蝦就重點講下呢道菜，佢D芝士好CREAMY，比一般酒樓既芝士焗龍蝦煮得濃一點，龍蝦就都好好肉，唔會好似有D酒樓既套餐龍蝦會夾好多殼比客人。當然呢價位，都唔能夠希望有原隻蝦龍秤比你咁好質素，但總體算相當唔錯。同時佢上菜夠快，唔會要客人等好耐，味道都保持到呢個集團酒樓既水準。整體黎講個組合抵食，會再黎食。