影片
更多
2024-01-11
11 瀏覽
過完年M 記都貴左好多，百物騰貴，打工仔人工又冇乜得加，真係要精打細算. 今次為大家推介呢間尖沙咀性價比極高開業不到一年嘅Crusta. OMG 一個餐最平$59 就有了，有個自家特製薯蓉批+薯條+牛油雞翼+沙律+飲品. 貴少少$79 就有個八吋大pizza set. 重點係餐廳老闆好注重健康，寧願高成本同高難度啲，由餡料到餅底都唔堅持唔落牛油或起酥油，而係以天然大米酵素及麥芽酵母發酵，只會加入少量橄欖油，啱曬愛美愛體型人士，一啲都唔邪惡呀，食落真係冇咁滯同熱氣，而且所有食物每日新鮮製造，全部用上新鮮食材非雪藏. 溫提like 餐廳社交平台仲會有塊免費朱古力曲奇（價值$10）可以又食又拎，好滿足. 餐廳用藍白色主打走簡約風，感覺光猛開揚舒適，加埋背景輕快外語歌曲，好chill 呀. 店員姐姐態度非常有善，抵讚👍我哋兩個餐各叫一個，試齊兩個主食/沙律同炸物. 意猶未盡再加多個pizza 同crusta, 超飽. 飲品冇加錢可以叫soft drinks ，都可以豪d 加$5 𨍭新鮮涷檸茶. 前菜菜絲沙律同雜菜沙律清新開胃. 炸物甜蕃薯條及蔬菜餅各有特色難分高下，炸得夠香脆而食材本身味道亦冇
我哋兩個餐各叫一個，試齊兩個主食/沙律同炸物. 意猶未盡再加多個pizza 同crusta, 超飽. 飲品冇加錢可以叫soft drinks ，都可以豪d 加$5 𨍭新鮮涷檸茶. 前菜菜絲沙律同雜菜沙律清新開胃. 炸物甜蕃薯條及蔬菜餅各有特色難分高下，炸得夠香脆而食材本身味道亦冇被掩蓋. 蔬菜餅由新鮮洋蔥絲，紅蘿蔔絲加薯仔絲等制成，口感豐富. BBQ蜜汁雞翼細細隻不過幾好肉地.
Crusta由香脆餅底、薯蓉、蔬菜和半融芝士制成. 有六款可供選擇. 呢度食批會跟手套，揸住一啖豪邁地咬落去更滋味. Pizza 有3 款醬料做底8 款配料選擇，主食幫襯多幾次都唔怕悶.
#招牌免治牛肉餡批
個批質地結實但咬落鬆軟散發淡淡麥香，感覺好似食平時英式牛肉批咁，內藏滿滿的免治牛肉，肉汁豐富，上層鋪滿新鮮薯蓉加上半融芝士，新鮮西蘭花及紅蘿蔔粒，一個批集齊每日營養所需，男女老幼皆宜.
#甜泰式辣醬雞肉餡枇
味道酸酸甜甜，個人更喜歡呢個批，配上菠蘿、生菜、雞肉，感覺更清新輕盈，先食呢個批再食牛肉批真係多多都食得落.
#印度咖喱雞薄餅
以橄檻油蕃茄同焦糖化洋蔥做主調，配上香濃咖喱醬，雞肉份量不少而肉質亦十分嫰滑，餅底脆薄似餅乾. 咬落過癮.
#精選香腸薄餅
用上烤菇同蒜蓉打底味道偏重咸口味，配上啖啖爽口肉香腸，有鮮甜翠玉瓜可中和解膩.
整體呢餐性價比十足，去開尖沙咀真係要支持下咁有心堅持健康新鮮嘅小店，希望開多啲分店啦就可以平平地開飯.
張貼
