影片
更多
2021-02-21
364 瀏覽
呢間燒味滷師，趕在農曆新年前開張，真的開得好！附近街坊對此店口碑極好，一傳十，十傳百，今日連我都專程過去斬料，等親戚過嚟拜年食好嘢。店外人頭湧湧，個個等攞燒味外賣，不過已經無新年前剛開張時咁誇張，當時真係日日排長龍。除了現場斬料加餸，都有燒味飯單雙拼外賣，也有包裝好一份份的燒味，方便了很多無飯家庭，見到有很多人都買燒味飯呢！。到我們開餐啦！新年快樂！燒腩仔半斤$64,份量也不少，見到賣相燒得咁靚，咬下脆卜卜的脆皮好香，而且肉質爽口，肥瘦適中，不覺油膩，味道不會死鹹，非常好吃，大家都忍不住多吃幾口，是最快吃清光的燒味！客家鹽焗雞半隻$30,非常抵食，鹽焗雞肉質嫩滑，鹽焗過又不會太鹹，但又食到鹽焗香味，雞皮滑溜又有油香，是我第二最愛的燒味。至尊燒鵝上莊$110,燒鵝平時都係賣得特別貴，呢間價錢半隻$180都唔算貴，不過今次想試多幾款燒味，就買上莊算。其實上莊都唔錯，因為有燒鵝背和燒鵝胸，肉多油少，貪吃但又想健康，食上莊就不怕肥膩。 燒鵝皮燒得很香，微脆，比較乾身，鵝肉香氣濃郁。貴少少同親戚食好d, 大家開心都值得。叉燒半斤$50,肉質好爽口，半肥瘦，帶輕微蜜汁味，越吃越香，有肉的煙韌和油脂
店外人頭湧湧，個個等攞燒味外賣，不過已經無新年前剛開張時咁誇張，當時真係日日排長龍。
除了現場斬料加餸，都有燒味飯單雙拼外賣，也有包裝好一份份的燒味，方便了很多無飯家庭，見到有很多人都買燒味飯呢！。
到我們開餐啦！新年快樂！
燒腩仔半斤$64,份量也不少，見到賣相燒得咁靚，咬下脆卜卜的脆皮好香，而且肉質爽口，肥瘦適中，不覺油膩，味道不會死鹹，非常好吃，大家都忍不住多吃幾口，是最快吃清光的燒味！
客家鹽焗雞半隻$30,非常抵食，鹽焗雞肉質嫩滑，鹽焗過又不會太鹹，但又食到鹽焗香味，雞皮滑溜又有油香，是我第二最愛的燒味。
至尊燒鵝上莊$110,燒鵝平時都係賣得特別貴，呢間價錢半隻$180都唔算貴，不過今次想試多幾款燒味，就買上莊算。其實上莊都唔錯，因為有燒鵝背和燒鵝胸，肉多油少，貪吃但又想健康，食上莊就不怕肥膩。 燒鵝皮燒得很香，微脆，比較乾身，鵝肉香氣濃郁。貴少少同親戚食好d, 大家開心都值得。
叉燒半斤$50,肉質好爽口，半肥瘦，帶輕微蜜汁味，越吃越香，有肉的煙韌和油脂的滑溜口感，送飯一流！啖啖肉，食肉獸更加會喜歡。
買四道燒味，可以煮少幾個餸，過年食飯唔洗家人煮得咁辛苦。呢間燒味滷師食過都真係值得再幫襯。
張貼
