煮道 (已結業)

今晚凍冰冰，岩岩行開上環呢頭，就係openrice度search 下有無得打邊爐~ 見到呢間評分唔錯，於是就過黎睇下啦~ 果然無失望! 今晚星期五，人比較多，呢度有點像快餐店，自己去櫃檯度埋單的，但環境都算舒服。8點鬆D到，等左10分鐘左右。見到店內只得幾位店員，難得既係佢地都好有禮貌，雖然忙到踢曬腳~ 好快就安排到入座啦~坐低之後，見佢選擇都唔錯。男友食肉，我就食海鮮，於是，我點了一個海鮮鍋，仲要係加大的($168)，店員推介蕃茄湯底。問店員加大同唔加大($118)有咩分別，原來$118細份係每樣海鮮得一件，加大呢就每樣兩件~難得黎到，又肚仔餓，梗係要個加大啦~男友果個牛肉鍋都抵食，$98連飯，野飲另叫，都係$22大大杯~終於黎啦~本黎以為坐路邊有機械人送餐，結果都係店員推車仔過黎~唔緊要咯開餐先~有驚喜呀!蝦係有鮮味的，仲有我最欣賞係佢既薑汁皮旦丸!! 係第二度完全無試過，覺得個味配合得好好，食完之後仲忍唔住加單，叫多3粒($14)。想讚一讚既係(好耐未試過去食店感覺咁好)，店員雖然真係忙到飛起，但真係有求必應，又會推介下食材，見到佢地都多熟既食客，我估應該係試過再返轉頭的~唔錯唔