Bella Shine (已結業)

適逢紀念日，梗係要食西餐啦！一直都知道觀塘有好多間隱蔽嘅西餐食肆，今次就撞啱揀咗呢一間。 呢間舖頭位於觀塘工廈入邊，唔算太難搵。今次叫咗個二人套餐，價錢都幾抵。套餐包咗餐湯、前菜、主食、餐飲同甜品，唔使搶心唔夠飽。餐湯附送兩塊蒜蓉包，可以沾湯食。前菜係煙三文魚沙律，有啲沙律菜、蕃茄仔、大菜頭等等。主菜分別叫咗個蒜香蜆意粉同埋牛扒。意粉係蒜香味，好惹味！而且啲蜆新鮮，干淨無沙。呢個牛扒叫咗五成熟，好香牛味而且好Juicy，有品質保證。食完主菜，就係上甜品嘅時候。甜品係藍莓芝士蛋糕同埋泡芙，份量係細細件甘，食完都唔會驚太膩太飽。推薦呢個二人餐！