英記美點小食 (已結業)

今日同朋友黎呢間小店食lunch，舖面不大，但坐滿人。每人叫左個set，有面、菜、同飲品。招牌巷仔雲吞面：舖頭主打，面比外面其他舖頭少梘水味，更爽口；雲吞大大粒，落足料。牛丸面：朋友點，老闆娘堅持我地交換一粒牛丸試下，一食覺得好彈牙，牛肉味好濃，下次再黎一定會食牛丸。通菜&菜心：無煮老，菜好新鮮，分量好大碟。食飯期間老闆娘好熱情，同我地介紹食物，堅持我地交換牛丸同食腌蘿蔔。總括而言，食物好味，招呼周到，係食lunch好選擇。