利寶閣 (已結業)

今日又同屋企人嚟食飯，但估唔到晚餐放題比起點心放題更加滿足同埋有驚喜!首先坐底就會有得揀奄仔蟹想點整，分別有花彫酒同埋鹽焗，真係冇諗過平時單點都要100蚊一隻既呢度都有，雖然只限每人一隻但都已經夠哂，因為仲會食其他嘛。另外仲有鮑魚花菇同埋湯都係位上。基本上都好新鮮熱辣，又足料唔會太咸太淡！到任食既菜式，比較深印象既係咕嚕肉，乳鴿，燒腩仔。仲有個黯然銷魂飯真係值得試，唔會好大碗但睇到佢用料上乘同埋真係用太陽蛋，同人share好快就食完！利寶閣真係少有既放題酒樓又有咁高質同多款式既菜，之後一定會繼續幫襯！