Isaak's

營業中

休息中

呢間野都食過幾次，每次都好滿足，除左大大份之外，價錢亦非常親民，最岩一大班朋友一齊食啦～必食韓式炸雞🍗 幾乎每張枱都叫！口味可以叫Half Half，咁就可以一次過試曬唔同口味啦！我就鐘意韓式辣醬炸雞，雞本身都醃我夠入味，外層炸粉唔會好厚，炸到好香脆，再加埋甜甜地嘅韓式辣醬，好惹味😋必試芝士拉絲蛋卷🧀 厚厚嘅煎蛋卷，唔會煎到太乾身，入面仲有少少蛋液，包住半溶嘅芝士，一夾起就做到拉絲嘅效果！勁正🤤海鮮泡菜煎餅🍤 味道OK，餅底唔會太厚，亦唔會太油，搞到食到好油膩。韓式炸醬麵🍝 雖然外觀唔吸引，但微甜嘅面豉醬的確幾開胃，入面仲加左蝦🦐、魷魚🦑等嘅海鮮，味道都唔錯，可以一試。