影片
更多
2019-07-26
414 瀏覽
爸爸之前一直都好想黎依間「牛知己」試下，但次次都趕唔切食午市。今日買左飛睇戲，趕得到黎食個韓式set lunch, 價錢都只係50幾起，仲有前菜，炸物，飲水，果汁，仲有小朋友最鐘意既乳酪雪糕，好抵食！我地叫左2個set, 份量都幾大。韓牛牛肋骨($98）, 套餐配飯，加$10可改配烏冬。牛肋骨湯用牛骨煮成，清而香濃，淨飲已經好好味！牛肋骨炆得好稔，無牛羶味，食到原汁原味既牛味，仲有好多舊，好足料。加埋白蘿蔔，好有韓式清湯腩既感覺。加上彈牙烏冬，簡單既配搭，卻吃得順喉舒服。韓式炸雞配水冷麵（$56）阿女話要點，點知黎左就話要食我碗烏冬🙈水冷麵好大碗，絕對夠2-3個人食。個湯底夠凍，酸酸甜甜的，好fresh好開胃。有4件連骨既原味炸雞，香脆得黎d肉都好滑，一d都唔鞋，食一件已經幾飽肚，真係好夠份量。其他前菜都係任食既，泡菜同日本蕃薯仔都好好食。甜品方面就以朱古力味乳酪雪糕最受歡迎，而且仲有好多糖果，朱古力粒裝飾可以添加，小朋友最開心！而我就比較喜歡豆腐花，食完咁濃味既一餐，最後可以清返個味蕾。總括黎講係好抵食既午餐，而且座位夠濶，坐得舒服，周末既中午，熱辣辣，邊度都唔想去，食個悠閒既午餐最
爸爸之前一直都好想黎依間「牛知己」試下，但次次都趕唔切食午市。今日買左飛睇戲，趕得到黎食個韓式set lunch, 價錢都只係50幾起，仲有前菜，炸物，飲水，果汁，仲有小朋友最鐘意既乳酪雪糕，好抵食！我地叫左2個set, 份量都幾大。
韓牛牛肋骨($98）, 套餐配飯，加$10可改配烏冬。牛肋骨湯用牛骨煮成，清而香濃，淨飲已經好好味！牛肋骨炆得好稔，無牛羶味，食到原汁原味既牛味，仲有好多舊，好足料。加埋白蘿蔔，好有韓式清湯腩既感覺。加上彈牙烏冬，簡單既配搭，卻吃得順喉舒服。
韓式炸雞配水冷麵（$56）
阿女話要點，點知黎左就話要食我碗烏冬🙈水冷麵好大碗，絕對夠2-3個人食。個湯底夠凍，酸酸甜甜的，好fresh好開胃。
有4件連骨既原味炸雞，香脆得黎d肉都好滑，一d都唔鞋，食一件已經幾飽肚，真係好夠份量。
其他前菜都係任食既，泡菜同日本蕃薯仔都好好食。甜品方面就以朱古力味乳酪雪糕最受歡迎，而且仲有好多糖果，朱古力粒裝飾可以添加，小朋友最開心！而我就比較喜歡豆腐花，食完咁濃味既一餐，最後可以清返個味蕾。
總括黎講係好抵食既午餐，而且座位夠濶，坐得舒服，周末既中午，熱辣辣，邊度都唔想去，食個悠閒既午餐最享受。
張貼
