柳氏家 (已結業)

今次黎左沙田新城市廣場7樓既柳氏家食韓式鐡板雞。大約晏晝12點鐘去到，唔洗等即刻有位。我地揀左90分鐘無限fill雞既lunch set. 首先講鐡板雞，我地揀左BBQ蜜糖味既炒雞，另外配左個炒飯。有專人會幫你炒熟，D雞幾入味，幾嫩滑炒飯味道都唔錯。之後就講下店入面任食既熟食，有10幾款到，其中最好食既就係炒粉絲，辣炒五花腩同埋炸薯角。脆炸雞味道 偏淡，仲要勁多炸粉。之後我地追加左一次雞，今次配左拉麵，拉麵比炒飯更出色。甜品方面，有6,7款比你揀，都係芝士蛋糕、朱古力蛋糕之類。另外仲有自家制既雪糕供應，不過雪糕隻味幾假下因為朋友係kabu會員，埋單兩個人$18x，都算幾抵食