桃園快餐

營業中

休息中

呢排Lunch成日食三餸飯，今日唔想再食三餸飯啦，去餐廳食又貴，有時等如兩個三餸飯價錢，所以今日lunch四周圍搵下有邊啲抵食午餐，行經紅磡廣場見到呢間餐牌密密麻麻，各式小食，粉麵飯麵有得食，就停低睇睇，店員阿姐問起食咩，我見餐牌有我平時最鍾意嘅吉列豬扒飯，而且只係34蚊，一個反射動作就答左阿姐，一個吉豬飯，咖喱汁。咖喱吉列豬扒飯外賣豬扒飯唔算大盒，豬扒size正常，因為即炸，表皮香脆，炸粉面包糠不厚，豬扒不厚不薄，食起上嚟肉質唔會鞋，唔會有雪味什味。咖喱汁唔辣，似一般茶記咖喱汁，甜甜地，汁比較少，飯量唔多，不過都夠7成飽，性價比都算ok。