稻八日式火鍋炸物放題 (已結業)

位於荃灣嘅稻八日式火鍋，個人真心覺得佢哋嘅水準唔錯呢度地方唔算好大，但係光猛、乾淨、企理，亦唔會覺得好迫夾，坐得幾舒服。佢地嘅放題價錢由佰幾蚊至三百零蚊不等，當然提供嘅食物會有唔同。呢度嘅特色之一，自助天婦羅放題，自己可以喺雪櫃揀自己鍾意嘅食物，加上炸漿同埋麵包糠，放入炸爐，炸起之後更可按自己喜好加上調味粉，無論味道同製作過程都係自己一手包辦，炸起熱辣辣，食起嚟特別滋味，有得玩又有得食都幾開心另外火鍋配料仲有幾十款包括蔬菜、菇菌類、丸類、響鈴同豆卜等任攞任食，另外仲有一啲日式前菜，例如螺肉、八爪魚、中華沙律，仲有飲品同雪糕，咁嘅價錢其實都真係幾抵食M9和牛餐318我哋今次揀咗個$318嘅M9和牛餐放題，價錢唔算太貴而且牛肉嘅質素相當唔錯。當中最好食梗係M9和牛牛小排啦，長條型，腍身，口感軟熟，和牛味突出，其他肥牛真係完全冇得比和牛盛盒𥚃面有牛舌、牛腩肉、牛下腹腩、牛肩胛肉同埋金錢𦟌，全部薄切，每款各有幾片，輕灼幾秒就食得，口感各有不同，但都好好食，好處係細細塊，食晒唔會太滯。另外仲有安格斯牛小排、豰飼牛，豚肉、雞肉、羊肉。海鮮盛盒同刺身，選擇多到食唔晒，食量大嘅朋友一定啱。