豆腐時代 (已結業)

得知竹園街市翻新，領展打造個竹園夜市！呢間豆腐時代名字已經響噹噹！適逢周日晚上時間竟然不用排隊就決定試下。店外仲設有一條長桌仔供客人堂食。豆腐時代專買豆類製品。專售各類嘅豆腐小食，仲有豆腐花及飲品豆腐沙冰。全部食品由10幾蚊至$20左右。款式選擇都幾多。今次就叫左一份魚肉煎豆腐，由於店員表示要即煎嘅關係，等待時間大概都有10分鐘。魚肉煎豆腐$12/4件每件豆腐都十分大塊，豆腐豆香都濃，用竹簽夾黎都唔會夾再爛晒，而且魚肉佔嘅比例剛剛好，加埋豆瓣醬惹味非常，十分抵食。