影片
更多
2023-06-28
21 瀏覽
今日喺太子收工諗住搵間邊爐試吓，經過見到呢間好似幾吸引就入咗去食。一入去就有火鍋醬料俾你揀，好特別，除咗普通蒜茸辣椒之外，仲有檸檬同埋青檸，試一試加咗落啲豉油度，又幾清新，值得一試。 - 金沙黃金蝦 呢個黃金蝦份量好足，有好多隻！而且好好味，鹹蛋黃炒到入曬味，鍾意食黃金料理嘅人一定要試吓！ - 懷舊沙嗲鍋 沙嗲味濃，好適合鍾意重口味嘅人食，感覺係真係自己熬湯，而唔係出面餐廳現成嗰啲。同埋呢個湯底有小小辣，大約係十小辣level。 - 美國安格斯三角肥牛（大） 一上到嚟我見到啲牛肉紋理仲以為佢俾咗啲高級啲嘅牛我，問一問先知原來冇俾錯，估唔到咁嘅價錢食到咁嘅牛肉，好抵，而且份量仲好多。 - 豬頸肉 豬頸肉份量都係好多，佢係對半開花切，睇得出廚房師傅刀功好好，啲豬頸肉因為個切法好快就熟，入口食落好嫩口，值得一試。 - 娃娃菜（半份） 差唔多係成個娃娃菜上，以為自己叫咗一份，最後差啲食唔曬。 - 新鮮炸響鈴（半份） 佢個
今日喺太子收工諗住搵間邊爐試吓，經過見到呢間好似幾吸引就入咗去食。一入去就有火鍋醬料俾你揀，好特別，除咗普通蒜茸辣椒之外，仲有檸檬同埋青檸，試一試加咗落啲豉油度，又幾清新，值得一試。
- 金沙黃金蝦
呢個黃金蝦份量好足，有好多隻！而且好好味，鹹蛋黃炒到入曬味，鍾意食黃金料理嘅人一定要試吓！
- 懷舊沙嗲鍋
沙嗲味濃，好適合鍾意重口味嘅人食，感覺係真係自己熬湯，而唔係出面餐廳現成嗰啲。同埋呢個湯底有小小辣，大約係十小辣level。
- 美國安格斯三角肥牛（大）
一上到嚟我見到啲牛肉紋理仲以為佢俾咗啲高級啲嘅牛我，問一問先知原來冇俾錯，估唔到咁嘅價錢食到咁嘅牛肉，好抵，而且份量仲好多。
- 豬頸肉
豬頸肉份量都係好多，佢係對半開花切，睇得出廚房師傅刀功好好，啲豬頸肉因為個切法好快就熟，入口食落好嫩口，值得一試。
- 娃娃菜（半份）
差唔多係成個娃娃菜上，以為自己叫咗一份，最後差啲食唔曬。
- 新鮮炸響鈴（半份）
佢個響鈴好大舊，係平時食開嗰啲響鈴嘅2-3倍大，一上枱已經俾佢嘅份量震撼到，而且仲要係鮮炸，就算浸左湯幾秒再食依然係好脆同好香。
- 三文魚（半份）
估唔到火鍋店會有刺身，更加估唔到質素相當不錯。下次去會試埋其他刺身，希望其他刺身一樣有驚喜！
張貼
