柴石燒 (已結業)

將軍澳人一定知道日日·食良呢間‘全黃’嘅Food Court，全場100%由良心小店組成，所以特登去支持下。見到呢間小店嘅石燒牛扒只係$88起，仲可以加$10加配餃子或其他小食，價錢唔貴，決定試吓。石燒定食包含主菜、沙律、珍珠白飯、味噌湯，都好豐富。石燒肉眼扒配日式燒汁，肉眼扒都算厚身，肉質同肉味都唔錯，仲有啲冬菇蔬菜作配菜，以依個價錢嚟講幾抵食。上枱時石板上面塊牛扒仲生生哋，要幾生幾熟可以自己控制。麵豉湯同胡麻醬沙津味道都唔錯，有一般日式餐廳嘅質素。白飯份量都唔少，食完成個定食真係勁飽肚。